Reagimet, medimet dhe IDETË tuaja Të dashur sportistë radioamatorë, sportdashës dhe dashamirë! Si gjithmonë, kanalet e komunikimit me mua, me kryetarët e klubeve, apo kryesinë e Federatës Shqiptare të Radioamatorizmit janë kurdoherë të hapura për ju, por ne po e krijojmë mundesië që duke klikuar kudo në këtë faqe, do të mund të kaloni online dhe anonim në një faqe tjetër interneti që quhet FreeSugestionBox. Aty ju mund të jepni në mënyrë krejtësisht anonime, reagimet, mendimet dhe idetë tuaja, ndershmërisht e pa frikë për identifikimin apo për pasojat. Shpresoj që kjo transparencë të zbulojë njohuri të vlefshme dhe të na ndihmojë në adresimin e çështjeve të ndryshme që përndryshe mund të mbeten të fshehura! Ne jemi të gjithë njësojtë në këtë tokë, por meqë mendoj se secili duhet të ketë mundësi të barabarta për të shprehur reagimet, mendimet dhe idetë personale, e sigurisht pamvarësisht rangut, statusit apo mundësive të tjera objektive e subjektive, duhet të ketë gjithëpërfshirje e cila mund të na ndihmojë të kemi një perspektivë më të plotë mbi çdo gjë që ju keni dëshirë të adresoni e që do të mund ta trajtojmë së bashku. Pjesëmarrja juaj pra është plorëshisht anonime dhe ju mund të jepni pikëpamjet tuaja unike ose jo-konvencionale, me diversitet mendimesh e idesh, por ju lutem mos e keqpërdorni anonimitetin për të bërë komente të dëmshme, të pavërteta, jo-produktive për të mos krijuar atmosferë negative duke penguar pastaj dobishmërinë e analizës. Pra ju kërkoj të jeni objektivë, të jepni shtjellime sa më të plota e të qarta, me detaje konkrete e shembuj specifikë. Faleminderit! Tiranë më 2 shtator 2024, presidenti i FSHR - Florian Gjonej, ZA5G
