1.      Përmbledhje e aktiviteteve të zhvilluara

a.      Burrel & Klos – Aktivitetet në shkollat 9‑vjeçare

Gjatë javës së kaluar, RadioSport Burreli organizoi demonstrime dhe aktivitete informuese në shkollat 9‑vjeçare të qyteteve Burrel dhe Klos. Nxënësit radioamatorë të ardhshëm që aktualisht ndjekin Kursin e Përgatitjes për “Patentën e Operatorit Radioamator”, informuan nxënësit e tjerë dhe komunitetin mbi:

·         bazat e sportit të radioamatorizmit,

·         komunikimin në foni dhe telegrafi,

·         pajisjet radio, antenat dhe teknikat e lidhjes,

·         rolin e radioamatorëve në edukim, sport dhe shërbim komunitar.

b.      Konferenca e së shtunës 18 prill 2026 Burrel - Shkodër

Të shtunën u zhvillua një konferencë urimesh online mes RadioSport Burrelit dhe RadioKlub Shkodrës, nën organizimin e FSHRA‑s me platformën BBB. Në aktivitet mori pjesë edhe Presidenti i Federatës, z. Florian Gjonej, ku u theksua rëndësia e bashkëpunimit mes klubeve sportive, kurset aktuale që po zhvillohen dhe rolin e radioamatorizmit në edukimin teknik të brezit të ri.

c.       Elbasan - Demonstrim publik pranë Pallatit të Sportit

Po të shtunën, nga ora 08:00-10:00, RadioSport Elbasani zhvilloi një demonstrim të hapur pranë Pallatit të Sportit, me mbështetjen e Klubit Shumësportësh të Elbasanit dhe me iniciativën e Presidentit të FSHRA‑s. Publiku pati mundësi të shohë pajisje radio, të përjetojë realizimin e lidhje komunikimi me shtete të tjera dhe të njihet me aspektin sportiv të radioamatorizmit.

d.      Shkodër - Panel informues për publikun në Pedonalen e qytetit (08:00–20:00)

RadioKlub Shkodra organizoi një panel të hapur për publikun me:

·         demonstrime të komunikimeve në foni, telegrafi dhe mënyrat digjitale e përmes satelitit me vende të ndryshme të botës,

·         informacione mbi 18 disiplinat e sportit të radioamatorizmit e aktivitetet sportive, edukative dhe tekniko-shkencore për të rinjtë,

·         informim për licencimin, teknikat dhe mundësitë që ofron radioamatorizmi.

2.      Mbështetja dhe informimi mediatik

Aktivitetet janë pasqyruar nga mediat lokale në Burrel, Elbasan dhe Shkodër si dhe RTSH duke rritur dukshmërinë publike të sportit dhe interesin e komunitetit.

Disa prej publikimeve mediatike:

• AlbaniaExpress: https://albaniaexpress.al/aktivitet-festiv-ne-elbasan-per-diten-e-radioamatoreve-dhe-101-vjetorin-e-iaru
• StarPlus TV Shkodër: https://www.starplus-tv.com/shkoder-prezantohet-radioamatorizmi-ne-diten-boterore/ e https://www.youtube.com/shorts/5GBL_VPgDps
• RTSH Shkodra: https://www.rtsh-shkodra.live/radioamatoret-demonstrim-ne-shkoder-sporti-i-komunikimit-synon-te-terheqe-te-rinjte-por-kerkohet-mbeshtetje/

3.      Objektivat dhe rëndësia e mbështetjes institucionale nga MTKS dhe KOKSH

Radioamatorizmi është një sport i njohur ndërkombëtar, pjesë e aktiviteteve të edukimit STEM, i lidhur ngushtë me:

·         sportin e komunikimit dhe garat kombëtare e ndërkombëtare,

·         edukimin e të rinjve në teknologji, elektronikë e gjitha disiplinat sportive,

·         shërbimin komunitar dhe komunikimet në rastet e emergjencave.

FSHRA synon të zgjerojë këto veprimtari në shkolla, qendra sportive dhe komunitete të tjera në mbarë vendin, e për këtë duhet mbështetje institucionale nga MTKS e KOKSH!
4.    Bashkëngjitur
•    Foto të aktiviteteve në Burrel, Klos, Elbasan dhe Shkodër
•    Fletëpalosje informuese të FSHRA