POTA (Parks On The Air) – Parqet në ajër
“Parks on the Air” është një aktivitet radioamator, ku operatorët radioamatorë me pajisje të lëvizshme (radio, tasto, antena, bateri, etj.) dalin nëpër parqe publike dhe krijojnë kontakte radio në mbarë botën. Edhe në këtë disiplinë sportive, e veçanta qëndron në kombinimin e sportit të radioamatorizmit me një aktivitet në natyrë.
POTA përgjithësisht është e lehtë për t’u aktivizuar dhe gjithashtu e përshtatshme për pjesëmarrësit edhe më të moshuar dhe më pak ambiciozë në aspektin sportiv. Në kontekstin e një shëtitjeje familjare, POTA është ndër disiplinat sportive radiomatoriale më miqësore për familjen dhe shoqërinë në natyrë, në të cilin mund të marrë pjesë e gjithë familja si dhe shokë e miq dhe secili mund të ndjekë edhe interesa të tjera (grill) përveç radioamatorizmit. Kështu, pavarësisht nga organizimi, gatishmëria dhe koha e të tjerëve për të marrë pjesë, çdo ditë mund të shndërrohet në një aktivitet të bukur e plot gjallëri me familje e me shoqërinë. Duke ngritur dhe operuar stacione të lëvizshme radioamatorësh në parqe publike, aftësitë praktike të operimit të operatorëve radio në lidhje me emergjencat civile gjithashtu trajnohen dhe promovohen.
Fillimisht, POTA ishte një degë e programit National Parks on the Air të nisur në SHBAnë vitin 2016 dhe kështu nisi si një aktivitet relativisht i ri në natyrë. Ndërkohë, më shumë se pesë mijë parqe, kryesisht në SHBA, Kanada dhe shumë vende të tjera, tashmë i përkasin programit dhe aktivizohen nga radioamatorët çdo ditë.
Ashtu si pothuajse në të gjitha garat e radioamatorëve, edhe POTA ofron gjithashtu mundësinë për t’u regjistruar dhe për të marrë pjesë zyrtarisht në një garë për diploma e trpfe radioamatorësh, ose duke qenë QRV vetë në një park dhe duke e “aktivizuar një park”, ose si një gjuetar që përpiqet të kontaktojë stacionet në parqe të tjera,
Federata Shqiptare e Radioamatorëve ka bërë të mundur regjistrimin e parqeve kryesorë të Shqipërisë në këtë program.
Informacione të tjera mund të lexoni në faqen e internetit të POTAs.
