REGJISTRIMI I PERSONIT SHOQËRUES TË SPORTISTIT/SPORTISTES RADIOAMATOR/E NË KAMPIONATIN KOMBËTAR DHE KUPËN E SHQIPËRISË 2026
I nderuar kryetar/e i/e klubit sportiv radioamator, i nderuar sportist/sportiste radioamator/e anëtar/e, i nderuar prind, Federata Shqiptare e Radioamatorizmit lejon shoqërimin e sportistëve radioamatorë nën moshën 18 vjeç nga prind/ër, mësues ose personi përgjegjës, me kusht që personi shoqërues:
* të regjistrohet si më poshtë të paktën 4 javë përpara zhvillimit të kampionatit;
* të pranojë pa kushte e zbatojë të gjitha rregullat e FSHR si dhe rregullat e vendit ku zhvillohet kampionati, njëlloj si vetë sportistët radioamatorë, pa përjashtime;
* të pranojë, respektojë dhe zbatojë Politikat e FSHR për Mbrojtjen e Fëmijëve!
* të marrë përsipër dhe të paguajë paradhënie shpenzimet e qëndrimit (hotel dhe restorant).
FSHR ka të drejtë të verifikojë të dhënat e plotësuara dhe të dërguara dhe, në rast konstatimi të parregullsive apo shkeljeve, të mohojë prezencën e personit shoqërues dhe/ose të përjashtojë nga pjesëmarrja sportistin/sportisten radioamator/e, përpara, gjatë ose pas zhvillimit të kampionatit. Federata mund t’i drejtohet gjithashtu në çdo kohë organeve kompetente në rast shkeljesh.
Ju lutem përsëriteni këtë proces për çdo shoqërues që dëshiron të jetë prezent gjatë kampionatit.
Të dhënat e dërguara përmes kësaj faqeje web janë të kriptuara dhe plotësisht të sigurta. Federata Shqiptare e Radioamatorizmit nuk i transmeton kurrë të dhënat personale palëve të treta dhe respekton gjithmonë privatësinë e çdo individi, duke zbatuar standardet më të larta të sigurisë.